Á.Shaıahmetova sııaqty áýe apatynan aman qalǵan adamdar álemde óte sırek - Ersin Júnisov
ASTANA. QazAqparat - Ushaq apatynan aman qalǵan Ásem Shaıahmetovanyń múgedek bolmaýy úshin dárigerler qoldan kelgenin jasap jatyr. Naýqastyń múmkindigi de zor. Bul týraly búgin Astanadaǵy nómiri 1-shi qalalyq aýrýhanasy bas dárigeriniń mindetin atqarýshy Ersin Júnisov málim etti.
«Qazir jańa tehnologııalardy qoldaný arqyly ushaq apatynan aman qalǵan Ásem Shaıahmetovanyń múgedek bolyp qalý qaýipi óte tómen. Ol esin anyq biledi, sóıleı alady. Travmotologııada jaraqattardy 2-ge bóledi: óte joǵary energetıkalyq jaraqattar jáne tómengi energetıkalyq jaraqattar. Mysaly, kóshede kele jatyp, qulaǵan adamnyń jaraqatyn tómengi energetıkalyq jaraqat deıdi. Al, Ásemniń jaraqaty joǵary energetıkalyq jaraqatqa jatady. Bundaı áýe apattarynan aman qalǵan adamdar álemde óte sırek», - dedi dáriger.
Aıta keteıik, búgin tańerteń Ásem Astanaǵa jetkizilgen bolatyn. 20 qańtarda Jambyl oblysy Shý aýdanynda Balqash-Shatyrkól baǵytyna bet alǵan «Olımp-Eır» kompanııasynyń AN-2 ushaǵy apatqa ushyraǵan. Sonyń ishinde «Qazaqmys» korporatsııasynyń «Balqashtústi metall» geology Ásem Shaıahmetova da bolǵan. Apattan keıin ol dereý «112» telefony boıynsha qutqarý qyzmetine habarlasyp úlgergen. Oqıǵa ornyna kelgen Jambyl oblysy TJD jedel den qoıý brıgadasy áýe apatynan jalǵyz aman qalǵan jolaýshyny Shý qalasyndaǵy Ortalyq aýdandyq aýrýhanaǵa jetkizgen.
