A. Shalabaeva tarapynan shetelge shyǵý týraly eshqandaı ótinish jasalǵan joq - Bas prokýratýra
Bul týraly búgin Bas prokýratýrada ótken brıfıng barysynda vedomstvonyń resmı ókili Nurdáýlet Súıindikov málim etti.
«Shalabaeva hanym 1 maýsymnan bastap eshqaıda ketpeý týraly qolhatpen otyr. Bul onyń tergeýshilerdiń ruqsatynsyz Almatydan kete almaıtyndyǵyn bildiredi. Qalǵan quqyqtary boıynsha ol shektelmegen», - dedi Nurdáýlet Súıindikov. Onyń aıtýynsha, eger A. Shalabaeva eger óz erkimen Almatydan tys basqa jaqqa, sonyń ishinde shetelge shyǵýy talap etiletin jaǵdaılar bolsa, ol tergeýshige tıisti ótinish bere alady, al tergeýshi osyndaı múmkindikterdi qarastyrady. «Meniń bilýimshe, ol búginge kúnge deıin mundaı ótinishti bildirmegen», - deıdi prokýratýra ókili.
Esterińizge sala keteıik, BTA banktiń eks-basshysy M. Ábilázovtiń jubaıy Alma Shalabaeva men kámeletke tolmaǵan qyzy Alýa Ábilázova Italııada Ortalyq Afrıka respýblıkasynyń jalǵan tólqujatymen zańsyz júrýine baılanysty ustalyp, keıinnen Qazaqstanǵa deportatsııalanǵan bolatyn.
