A.Sarym, M.Taıjan, J.Tuıaqbaı men M.Shahanovtar Jer reformasy jónindegi komıssııa quramyna qosyldy
Komıssııa tóraǵasy bolyp QR Premer-Mınıstriniń Birinshi orynbasary Baqytjan Saǵyntaev, onyń eki orynbasary - «Nur Otan» partııasynyń birinshi orynbasary Muhtar Qul-Muhammed pen ekinshi orynbasary (kelisim boıynsha) «Jaqsylyq» sharýa qojalyǵynyń basshysy, qoǵam qaıratkeri Jaqsylyq Úshkempirov bolyp bekitildi.
Aıta keteıik, jańadan qurylǵan Qazaqstan Respýblıkasynyń Aqparat jáne kommýnıkatsııalar mınıstri Dáýren Abaev ta komıssııa quramynda.
Sonymen qatar, «Bolashaq» jastar qozǵalysynyń jetekshisi Dáýren Babamuratov (kelisim boıynsha), «Qazaqstandaǵy parlamentarızmdi damytý qory» qoǵamdyq qorynyń prezıdenti Záýresh Battalova (kelisim boıynsha), saıasattanýshy Aıdos Sarym (kelisim boıynsha)Bolathan Taıjan qorynyń prezıdenti Muhtar Taıjan (kelisim boıynsha), Jalpyulttyq sotsıal-demokratııalyq partııasynyń tóraǵasy Jarmahan Tuıaqbaı (kelisim boıynsha), «Jalyn» jýrnalynyń bas redaktory Muhtar Shahanov (kelisim boıynsha) jáne taǵy basqa adamdar komıssııa quramyna endi.
