A. Sárinjipov: UBT-ny birneshe márte tapsyrý múmkindigin engizýdi qarastyrýdamyz
ASTANA. QazAqparat - Qazaqstandyq túlekterde Ulttyq biryńǵaı testileýdi birneshe márte tapsyrý múmkindigi týýy múmkin. Bul týraly Úkimettiń «Mınıstrge suraq qoı» atty onlaın-konferentsııalar serııasynda QR Bilim jáne ǵylym mınıstri Aslan Sárinjipov málim etti.
«Mınıstrlikte UBT-nyń formatyn ózgertý boıynsha arnaıy jumys toby quryldy. Sizder kóterip jatqan barlyq eskertpeler nazarǵa alynýda. Atalmysh máselelerdi sheshý jolynda jáne psıxologııalyq, áleýmettik aýyrtpalyqty báseńdetý úshin UBT-ny birneshe ret qaıtara tapsyrý múmkindigin qarastyrýdamyz. Jalpy barlyq UBT-daǵy barlyq jańa úderister qoǵam pikiriniń negizinde jasaqtalady», - dedi mınıstr.
