A.Sárinjipov: Qazaqstanda 25 myńnan astam bala ınklıýzıvti bilim berýmen qamtylǵan
ASTANA. QazAqparat - Qazaqstanda 25 myńnan astam bala ınklıýzıvti bilim berýmen qamtylǵan. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym mınıstrligi Mektepke deıingi jáne orta bilim departamentiniń dırektory Jańyl Jontaeva aıtty.
«Bizde ınklıýzıvti bilimmen qamtýymyz tıisti mektep jasyndaǵy 94 myń bala bar. Búgingi tańda 25 myńnan astam bala ınklıýzıvti bilim berýmen tolyq qamtylǵan. Al qalǵandary úılerinde oqyp jatyr», - dedi departament basshysy.
Onyń atap ótýinshe, mınıstrlik 2020 jylǵa deıin ınklıýzıvti bilim beretin mektepterdiń úlesin 70 paıyzǵa deıin arttyrýdy maqsat etip otyr. Jalpy, elimizde jańa oqý baǵdarlamalary men jańa standarttar ázirleý aıasynda ınklıýzıvti bilim berýdiń kontseptýaldy ádisteri ıntegratsııalanatyn bolady.
«Sonymen qatar búginde biz ınfraqurylymdar boıynsha standarttar qurý baǵytynda da jumys isteýdemiz. Óıtkeni, bizdiń mektepter de atalǵan talaptarǵa saı bolýy tıis», - dedi J.Jontaeva.
