A.Sárinjipov Qazaqstan mektepterinde engiziletin jańa pánder týraly aıtyp berdi
ASTANA. QazAqparat - Búgin Astanada ótip jatqan «Jańa bilim berý baǵdarlamalary, ınnovatsııalar jáne quzyrettilik tásil - mektep tabysynyń kilti» taqyrypynda ótip jatqan bilim berý qyzmetkerleriniń respýblıkalyq tamyz pedagogıkalyq keńesinde QR Bilim jáne ǵylym mınıstri Aslan Sárinjipov bolashaqta mektep baǵdarlamalaryna engiziletin jańa pánder týraly aıtyp berdi.
"Jańa pánder engiziledi. Úshinshi synyptardan bastap "Jaratylystaný", "Aqparattyq-kommýnıkatsııalyq tehnologııalar" pánderi engiziledi jáne "Álemtaný" páni jańa mazmunmen tolyǵady. "Jaratylystaný" páni joǵary synyptarda ótetin "bıologııa", "fızıka" sııaqty pánderdiń kirispe kýrsy retinde oqytylady. Al, "Álem taný" páni - qoǵamdyq-gýmanıtarlyq pánder úshin ortaq baza bolmaq. Aqparattyq-kommýnıkatsııalyq tehnologııalar páni kompıýter men jańa tehnologııalardy ıgerýdiń baǵyty retinde oqytylady. Úshinshi synyp oqýshylary qarapaıym daǵdylarǵa qalyptasyp, keste, dıagramma qurýdy úırenedi",-deıdi mınıstr.
Sonymen qatar, A.Sárinjipov "Jahandyq perspektıva jáne jobalaý qyzmeti" degen pán engiziletinin jetkizdi.
"Jalpy orta mektepterde 5-6 synyp kezinde oqytylatyn jaratylystaný ǵylymyna kirispe retinde bastaýysh synyptardyń pánderi engiziledi. Osylaısha, 5-synypta oqytylatyn jaratylystaný pánderi men 7-8 synypta kiretin bıologııa, hımııa pánderiniń arasyndaǵy aıyrmashylyqty azaıtamyz. ıAǵnı, mektepterdegi jaratylystaný-ǵylymı baǵyt úzdiksiz oqytylmaq. Kez kelgen eldiń tarıhy búkil álemniń damýymen baılanysty bolady, sondyqtan, "Qazaqstan tarıhy" páni burynǵydaı altynshy synyptan emes, besinshi synyptan bastap, ıaǵnı, álem tarıhy pánimen qatar oqytylatyn bolady. Joǵary synyptarda mindetti pánderdiń sanyn azaıtamyz da tereńdetilip oqytylatyn úsh mindetti pán jáne standartty tórt mindetti pándi oqytamyz. Jaratylystaný-gýmanıtarlyq jáne jaratylystaný-matematıka baǵytyndaǵy mektepterde osy mindetti pánder jeke-jeke tásilmen oqytylady. Oqýshy tańdaıtyn pánder de tereńdetilgen jáne standartty baǵyttarǵa bólinbek. Sonymen qatar, "Jahandyq perspektıva jáne jobalaý qyzmeti" degen pán engizemiz",-dep tolyqtyrdy mınıstr.
