A.Sárinjipov: Bıyl Qazaqstanda joǵary bilim berý oryndarynda oqytý aqysy kóterilmeıdi
ASTANA. QazAqparat - Bıyl Qazaqstanda joǵary bilim berý oryndarynda oqytý aqysy kóterilmeıdi. Bul týraly QR Bilim jáne ǵylym mınıstri Aslan Sárinjipov málim etti.
«Joǵary oqý oryndaryndaǵy oqytý quny bıyl ózgermeıdi, ol memlekettik granttyń qunyna sáıkestendirilgen. Óz kezeginde ol ulttyq jáne memlekettik JOO-larda ózgerissiz qaldy», - dedi mınıstr Ortalyq kommýnıkatsııalar qyzmetinde ótken brıfıngte.
Onyń sózine qaraǵanda, bul QR BǴM-niń tujyrymdamalyq ustanymy.
«Biz strategııalyq maqsattar qoıyp otyrmyz - bilim alý jastarǵa qoljetimdi bolýy shart, osyǵan oraı JOO-daǵy oqytý quny men baǵasy bıyl ózgerissiz qalady», - dedi mınıstr.
