A.Sárinjipov: Bilim berýdi damytý membaǵdarlamasynyń ótken jyly strategııalyq jospary tolyǵymen oryndaldy
ASTANA. QazAqparat - Bilim berýdi damytý memlekettik baǵdarlamasynyń ótken jylǵa arnalǵan strategııalyq josparynyń ındıkatorlary men kórsetkishteri tolyǵymen oryndaldy.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Aslan Sárinjipov aıtty.
«Ótken jyly ǵylym jáne bilim salasynda jaqsy nátıjege qol jetkizildi. Bilim berýdi damytý memlekettik baǵdarlamasynyń ótken jylǵa arnalǵan strategııalyq josparynyń ındıkatorlary men kórsetkishteri tolyǵymen oryndaldy», - dedi ol. Mınıstrdiń aıtýynsha, mektepke deıingi bilimmen 3-6 jas aralyǵyndaǵy balalardyń sany jospardan asyp, 80 paıyzdan artty. Jalpy orta bilim berý mazmuny jańartylyp, bastaýysh jáne orta mekteptiń standarttary jasaldy. 16 myńnan astam muǵalim deńgeılik kýrstan ótti.
«Jańa salynǵan 123 mektep 3 aýysymdy jáne apatty mektepterdiń sanyn azaıtty. 2015 jyly qosymsha jańa 109 mektep salynatyn bolady», - dedi A.Sárinjipov.
