A.Sárinjipov Astana mektepterindegi sabaqtyń bastalý ýaqytyn aýystyrýǵa qatysty málimdeme jasady
ASTANA. QazAqparat - QR Bilim jáne ǵylym mınıstri Aslan Sárinjipov elorda mektepterindegi sabaqtyń bastalýyn tańǵy saǵat 7.40-qa aýystyrý múmkindigine qatysty málimdeme jasady.
«Sabaq kestesi jónindegi másele jergilikti atqarýshy bılik organdarynyń quzyrynda. Sondyqtan muny Astana qalasynyń ákimdigi sheshýi tıis. Biz ákimdikke oqýshylardyń, olardyń ata-analarynyń jáne muǵalimderdiń pikirin eskere otyra sheshim qabyldaýǵa usynys jasadyq», - dedi A. Sárinjipov jýrnalısterge bergen suhbatynda.
«Tártipti áke retinde balany bekitilgen ýaqytta ákelemin. Abyr-sabyr týdyrý qajet emes. Durys sheshim qabyldaımyz», - dedi mınıstr.
Eske sala keteıik, jýyrda Astana joldaryndaǵy kólik keptelisi máselesin sheshý úshin qala mektepterindegi sabaqty erterek bastaý usynysy jasalǵan. Bul úshin elordadaǵy oqý oryndaryndaǵy sabaqtyń bastalý ýaqytyn ózgertý usynyldy.
Astana qalasynyń Bilim basqarmasy mektep dırektorlaryna ata-analarmen birge mektepterdegi oqýdyń bastalýyn tańǵy saǵat 7.40-qa aýystyrý múmkindigin qarastyrý usynyldy.
