A.Saǵıtov Qytaımen birlesken bilim berý bólimshelerin ashýdy usyndy
ASTANA. QazAqparat - Búgin Qazaqstannyń agrotehnıkalyq ýnıversıtetteriniń jetekshileri men aýyl sharýashylyǵy mamandarynyń Qytaı Halyq tehnıka ýnıversıtetinde ótken ýákilder úıirmesimen keńeste Qazaqstan men Qytaı elderiniń ǵylymı-tehnıkalyq yntymaqtastyǵynyń basty baǵyttary atap ótildi.
QR AShM baspasóz qyzmetiniń habarlaýynsha, Qazaqstan tarapynan sóz alǵan «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JShS bas dırektory A.Saǵıtov óz baıandamasynda eń aldymen, birlesken bilim berý jáne ǵylymı-zertteý bólimshelerin ashý kerektigin aıtty.
«Ǵylymı-bilim berý keshenderin, ǵylymı ortalyqtar men kafedra fılıaldar jelisin damytý kerek. Osynyń aıasynda ǵylymı-óndiristik, ınnovatsııalyq qurylymdardy, ıaǵnı, tehnoparkter, ınnovatsııalyq-tehnologııalyq ortalyqtar ashylýǵa tıis», - dedi ol.
Ǵalymnyń aıtýynsha, birlesken ǵylymı-tehnıkalyq jumystarǵa jaýapkershiligi joǵary ári tájirıbeli mamandardy tarta otyryp, ǵalymdardyń óndiristik-baýlý taǵylymdamalardan ótýin jolǵa qoıǵan jón.
Sondaı-aq, A.Saǵıtov tájirıbelik-eksperımenttik jáne laboratorııalyq zertteý keshenderin keń aýqymda qoldaný úshin kúsh biriktirýdi usyndy.
«Ǵylymı-praktıkalyq konferentsııalar men semınarlardy birlesip uıymdastyrýǵa shaqyramyn. Baspa qyzmetinde de ǵylymı ádebıetterdi birlese ázirlep, jarııalasaq nur ústine nur», - dep túıindedi ǵalym.
