A.Sərinjipov ustazdar kúnine oraı úzdik pedagogtardy marapattady (FOTO)
ASTANA. QazAqparat - Bilim jəne ǵylym mınıstri Aslan Sərinjipov ustazdar kúnine oraı "Úzdik pedagog" konkýrsynyń jeńimpazdaryn marapattaı otyryp, ustazdar qaýymyn tól merekelerimen quttyqtady.
"Ustaz balalarǵa eń basty jəne eń qymbat baılyq - bilim beredi. Halqymyzdyń uly batyry Baýyrjan Momyshuly "Ustazdyq - ol qurmet. Sebebi, urpaqty ustaz tərbıeleıdi. Ulaǵattyń basshysyn da, danasyn da ustaz tərbıeleıdi. Ómir syılaǵan analardy qalaı ardaqtasaq, sol urpaqty tərbıeleıtin ustazdardy solaı ardaqtaýǵa mindettimiz", degen. Rasymen de, sizderdiń urpaq tərbıesindegi eńbekterińiz ólsheýsiz. Eldiń bəsekege qabilettiligi osy bilim júıesimen esepteledi", - dedi mınıstr.
A.Sərinjipov atap ótkendeı, qazir Parlament qaraýynda jatqan Bilim týraly zańǵa qarastyrylǵan ózgerister ata-analardy ustazdardyń ar-abyroıyn qurmetteýge mindetteıdi.
"Qazir Parlament qaraýynda jatqan "Bilim týraly" zań jobasyna qarastyrylǵan ózgerister ata-analardy ustazdardyń ar-abyroıyn qurmetteýge mindetteıdi", - dep atap ótti A.Sərinjipov.
Jalpy, búgin mınıstr muǵalimderge "Úzdik pedagog-2015", "Bilim berý isiniń qurmetti qyzmetkeri", "Eńbek ardageri" tósbelgilerin tabys etti.
