A. Perýashev: «Aq jol» fraktsııasy zeınetaqy zańnamasy boıynsha Prezıdent bastamasyn tolyq qoldaıdy

Búgin Parlament Májilisiniń jalpy otyrysynda palata depýtattary QR Prezıdentiniń «Qazaqstan Respýblıkasynda zeınetaqymen qamsyzdandyrý týraly» QR Zańy 11-baby 1-tarmaǵy boıynsha qarsylyǵyn talqylaý barysynda Parlamenttegi «Aq jol» partııasy fraktsııasynyń jetekshisi Azat Perýashev osylaı málimdedi.

Fraktsııa jetekshisiniń aıtýynsha, depýtattyq korpýstyń ustanymy Memleket basshysynyń usynymyna tolyq sáıkes keledi. «Prezıdent Úkimet pen Parlamentten zeınetaqyny jańǵyrtýdy qarapaıym qazaqstandyqtardyń múddelerin tolyq qamtı otyryp, júzege asyrýdy talap etken bolatyn. Sondyqtan da, bizdiń fraktsııa Elbasynyń 2014 jyldan emes, 2018 jyldyń 1 qańtarynan bastap kezeńimen júzege asyrý týraly usynysyn biraýyzdan qoldaıdy. Biz onymen birge, jumys isteıtin áıelderdiń bala týýyna baılanysty demalysy kezinde memleket esebinen qosymsha tólemderdi júzege asyrý boıynsha jasalǵan bastamany tolyq qoldaımyz. Bul jumys berýshilerdiń óz qyzmetkerleriniń áleýmettik deńgeıin jaqsartýǵa qatysty jaýapkershiligin arttyrady», dedi A. Perýashev.