A.Okauly bastaǵan alpınıster Mońǵol Altaıynyń asqar bıigi Tsambǵaryptyń basyna Qazaq eliniń kók baıraǵyn tikti
ASTANA. 27 shilde. QazAqparat - Búgin Ulybrıtanııa astanasy Londonda 4 jylda bir ret aınalyp keletin álemniń eń dúbirli dodasy - Olımpıada oıyndary bastalady.
Baıraqty báıgeniń qarsańynda Arman Okauly bastaǵan «Qazmunaıgaz» BÓ» AQ-nyń munaıshylar komandasy mońǵolııalyq qandastarymyzben birlese otyryp, Altaı taýlarynyń eń bıik shyńdarynyń biri, Mońǵol Altaıynyń asqar bıigi Tsambǵaryptyń basyna kóterilip, Qazaq eliniń kók baıraǵyn tikti.
Komanda quramynda Láılá Qydyrpatsha, Janarbek Aqybıuly jáne Ospan Mádıuly sekildi qandastarymyz bar. Alyp muzdyqtarymen, qatań aýa raıymen erekshelenetin shyńnyń basyna shyqqan baýyrlarymyz bul jetistikterin London olımpıadasynda qazaqtyń namysyn qorǵaıtyn órenderimizge arnaıtynyn málimdedi. Alpınıster qazaqtyń kók baıraǵy London tórinde de Tsambǵaryp shyńyndaǵydaı bıikten jelbirep, sportshy órenderimiz jeńis tuǵyrynan kórinýin tileıtinin aıtady.
Mońǵol Altaıynyń eń bıik shyńdarynyń biri - Tsambǵaryp teńiz deńgeıinen 4204 metr bıiktikte ornalasqan. Buryn-sońdy onyń basyna Qazaqstandyq alpınıster shyqpaǵan. ıAǵnı shyń basyna qazaqtyń týy birinshi ret tigilip otyr.
