A.N.Syzǵanov atyndaǵy ortalyq 33 jyldan beri 550-den astam donorlyq búırek transplantatsııasyn jasady
ASTANA. 2 qyrkúıek. QazAqparat /Gúlmıra Alıakparova/ - A.N.Syzǵanov atyndaǵy Ulttyq ǵylymı hırýrgııa ortalyǵynda 1978 jyldan beri 550-den astam donorlyq búırek transplantatsııasy jáne bir geterotopıkalyq baýyr transplantatsııasy jasaldy.
Ortalyq ókilderiniń aıtýynsha, transplantatsııa bul - kúrdeli uıymdastyrýdy qajet etetin «ashyq» medıtsına. Músheni aýystyrý otasyn bilikti mamandardyń kómeginsiz ótkizý múmkin emes. Máselen, búırekti aýystyrýǵa kem degende 10 maman jáne sondaı kólemde kishi dárigerlik qyzmetkerler qatysýy tıis.
Transplantatsııany ótkizý - elimizde medıtsına salasynyń damý jaǵdaıynyń ıntegraldy kórsetkishi. Statıstıkaǵa súıensek, ár 1 mln. adamnyń 10-ynda júrek aýystyrý qajettiligi bar. ıAǵnı, Qazaqstanda júrek aýystyrý boıynsha jyl saıyn 150-160 operatsııa ótkizilýi tıis. A.N.Syzǵanov atyndaǵy UǴHO-nyń mamandary emdeýge bolmaıtyn júrek aýrýyna shaldyqqan osy 150-160 adam ómir súre alatyndyǵyn senimmen aıtýda. Múshelerdi jáne tinderdi transplantatsııalaý jáne ekstrakorporaldy detoksıkatsııa bólimderi Ortalyqta 1978 jyldan beri jumys istep keledi. Búgingi kúnge deıin munda 554 donorlyq búırek transplantatsııasy jáne bir geterotopıkalyq baýyr transplantatsııasy jasaldy.
Dúnıejúzinde baýyr transplantatsııasy jáne jalpy transplantatsııalyq operatsııalar jasalý jıilikteri boıynsha ekinshi orynda tur. Naýqastardyń otalardan keıin tiri qalýy 90 paıyzdy quraıdy. Amerıkalyq Tonı Hıýsman donorlyq júrekpen uzaq jasaǵan naýqas sanalady. Ol transplantatsııadan keıin 30 jyl ómir súrip, teri obyrynan qaıtys boldy.
Qazaqstanda barlyq elderde sııaqty baýyrdyń vırýsty, aýtoımmýndy jáne toksıkalyq jaraqattanýlary, ár túrli genez tsırrozdarynyń jıilikteri jáne búırek transplantatsııasynyń mańyzdylyǵy jyl saıyn artyp keledi.
