A.Mýsın EUÝ rektorynyń kómekshisine EQYU-nyń VII sammıtin uıymdastyrý jumystaryna belsene qatysqany úshin alǵys hat joldady
ASTANA. 2 qańtar. QazAqparat - QR Prezıdenti Ákimshiliginiń basshysy Aslan Mýsın L.Gýmılev atyndaǵy Eýrazııa ulttyq ýnıversıteti rektorynyń kómekshisi Quralaı Maqsutqa EQYU-nyń VII sammıtin uıymdastyrý jumystaryna jáne ony ótkizýge belsene qatysqany úshin alǵys hat joldady, dep habarlady atalǵan ýnıversıtettiń baspasóz qyzmeti.
«2010 jylǵy 1-2 jeltoqsan kúnderi Astana qalasynda ótken Eýropadaǵy qaýipsizdik jáne yntymaqtastyq uıymynyń VII sammıti jumysynyń asa joǵary deńgeıde uıymdastyrylýyna qosqan jeke úlesińiz ben osy oraıda kórsetken kásibı biliktiligińiz úshin sizge alǵysymdy bildirip, zor densaýlyq, ómirińizge baqyt jáne jaýapty qyzmetińizde jańa tabystar tileımin», - delingen alǵys hatta.
Esterińizge sala keteıik, 1-2 jeltoqsan kúnderi Astanada ótken EQYU-nyń sammıti kezinde Eýrazııa ulttyq ýnıversıtetiniń ujymy dıplomatııalyq qyzmet jáne Prezıdent ákimshiligimen belsendi qarym-qatynas ornatyp, elimiz úshin asa mańyzdy sharanyń asa joǵary deńgeıde ótýine mol úles qosqan bolatyn. Bul jumystyń zor nátıje bergenin Memlekettik hatshy - Syrtqy ister mınıstri Qanat Saýdabaev ta Táýelsizdik merekesi qarsańynda ótken saltanatty sharada aıryqsha atap ótken edi.
