A.Musaqojaeva Avstralııada óner kórsetkisi keledi
ASTANA. QazAqparat - Qazaq Óner ýnıversıteti keler jyly Azııa men Latyn Amerıkasynda óner kórsetýdi josparlaýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte atalǵan óner ordasynyń rektory Aıman Musaqojaeva aıtty.
«Biz eń aldymen Qazaqstan boıynsha kontsertter josparlaımyz ári bizdiń tyńdarmandarymyzǵa arnap kontserttik baǵdarlama ázirleımiz. Qazirgi ýaqytta bizdiń balalarymyz, Eýrazııalyq sımfonııalyq orkestr Ispanııaǵa attanyp ketti. Olar oqý-óndiristik tájirıbe aıasynda 10 kontsert beretin bolady. Orkestr Barselonadan bastap Ispanııanyń barlyq óńirlerin aralap, óner kórsetedi», - dedi ol.
Sonymen qatar A.Musaqojaeva bilim ordasynyń kelesi jyly da gostroldik sapar josparlap otyrǵanyn, oǵan Úkimet tarapynan arnaıy qarjy da qarastyrylǵanyn atap ótti.
«Biz mundaı kontsertterdi jyl saıyn aıqyndap otyramyz. Máselen, osy jyly biz Londonda, Parıjde, Ońtústik Koreıa men Ispanııada óner kórsetsek, kelesi jyly Azııa men Latyn Amerıkasy óńirlerin tolyq qamtyǵymyz keledi. Bizder osy baǵytta jumystar júrgizýdemiz», - degen ataqty skrıpkashy áli kúnge tabany tımegen Avstralııa jerinde óner kórsetkisi keletindigin jasyrmady.
