A.Musaqojaeva álemdik sahnada óner kórsetetin skrıpkasyn jalǵa alady
ASTANA. QazAqparat - Aıman Musaqojaeva álemdik sahnada óner kórsetetin skrıpkasyn jalǵa alady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte tanymal skrıpkashy, Qazaq óner ýnıversıtetiniń rektorynyń ózi málim etti.
«Negizi, skrıpkanyń túpatasy bizdiń qobyz deýimizge bolady. Al meniń óner kósretip júrgen skrıpkam 17 ǵasyrda jasalǵan. Ol dańqty sheber Antonıo Stradıvarıdiń qolynan shyqqan. Sondyqtan da onyń baǵasy óte qymbat. Osydan 15 jyl buryn bizdiń murajaıymyz bul skrıpkany Nıý-Iorkten satyp alǵan kezinde quny 700 myń dollarǵa baǵalanǵan edi. Qazirgi baǵasy odan da qymbat ekendigi anyq. Búginde men osy skrıpkany murajaıdan aıyna 100 myń teńgege jalǵa alamyn», - dedi A.Musaqojaeva BAQ ókilderiniń saýalyna oraı.
