A.Muqanov kúmis júldesi úshin 12,5 mln. teńgemen marapattaldy
ASTANA. 29 qyrkúıek. QazAqparat - Almaty qalasynda ótip jatqan dzıýdodan álemdik Gran-prıdiń ashylý saltanatynda sońǵy chempıonattyń kúmis júldegeri Azamat Muqanovqa 12,5 mln. teńge kólemindegi syıaqy tabystaldy.
Qazaqstannyń dzıýdo federatsııasy habarlaǵandaı, uıym tarapynan oǵan 7,5 mln. teńge tabystalsa, demeýshiler taǵy 5 mln. teńgeni syıǵa tartty.
Aıta keteıik, 26 tamyz ben 1 qyrkúıek kúnderi Brazılııanyń Rıo-de-Janeıro qalasynda ótken dzıýdodan Álem chempıonatynda A.Muqanov kúmis júldeni ıelengen bolatyn. Alǵashqy raýndta ol reseılik Alım Gadanovtan, sıngapýrlik Joel Tseng, brıtandyq Kolın Oates pen japondyq Masaakı Fýkýokýdan basym tústi. Jartylaı fınalda ýkraınalyq Georgıı Zantaraıdy tize búktirdi. Al fınal kezinde japondyq Masası Ebınýmaǵa jol berip qoıdy. Qazaqstan quramasy budan basqa birde-bir júldege ilige almady.
