A.Muhamedıulynyń baýyrlas qyrǵyz halqyn qorlaıyn degen oıy bolǵan joq - E.Ydyrysov
ASTANA. QazAqparat - Halyq aldynda esep berip bitken soń, Qazaqstan Respýblıkasynyń Syrtqy ister mınıstri Erlan Ydyrysov óz áriptesi Mádenıet jáne sport mınıstri Arystanbek Muhamedıulynyń qyrǵyzdar týraly aıtqan sózinen keıin jaǵdaıdy qalaı rettegenin aıtyp berdi.
Esterińizge sala keteıik, elimizdiń Mádenıet mınıstri Arystanbek Muhamedıuly «Máskeýdiń ájethanalaryn jýyp júrgen qyrǵyz qyzdaryna janym ashıdy» degen soń, Qyrǵyz Respýblıkasy Qazaqstanǵa qarsylyq notasyn joldaǵan edi.
«Bul jaǵdaıdy biz rettep qoıdyq. Mádenıet mınıstrliginiń basshylyǵy resmı jaýap berdi. ıAǵnı, mınıstrdiń ne aıtpaq bolǵanyn túsindirip berdi. Internettegi blogtardan oqyǵandaryńyz jekelegen qyrǵyz azamattarynyń emotsııa ústinde jazǵan pikirleri edi. Bizdiń mınıstr Orta Azııadaǵy eń jaqyn dosymyzdyń namysyna tııýdi oılaǵan joq, namysyna tıe almaıdy da. Sebebi, ol (Arystanbek Muhamedıuly - agenttik) qyrǵyzdardy qatty qurmetteıdi. Kerisinshe, ol Shyńǵys Aıtmatovtaı uly bar qyrǵyz baýyrlarymyzdyń ulylyǵyn atap kórsetkisi keldi. Onyń aıtpaǵy osy edi. ıAǵnı, qyrǵyz baýyrlarymyzdy qorlaıyn degen oıy bolǵan joq. Ol keıin sózi úshin ózi jaýap berdi»,-dedi E.Ydyrysov.
Syrtqy ister mınıstri atap ótkendeı, bul jaǵdaı eki el arasyndaǵy qarym-qatynasqa kóleńkesin túsirgen joq.
«Resmı túrde bul jaǵdaıdy rettedik. Men Qyrǵyz Respýblıkasynyń Syrtqy ister mınıstrimen sóılestim. ıAǵnı, oqystan shyqqan sózdi teris túsingender ol sózdi emotsııamen ózgertip jetkizgenin aıttym. Qazaqstan men Qyrǵyz Respýblıkasynyń qarym-qatynasy buzylǵan joq»,-dedi E.Ydyrysov.
