A.Muhamedıuly sport salasyndaǵy úzdik qyzmetkerlerdi marapattady (FOTO)

ASTANA. QazAqparat - Búgin Mádenıet jáne sport mınıstri Arystanbek Muhamedıuly Qazaqstanda tamyzdyń úshinshi jeksenbisinde toılanatyn Sport kúnine oraı osy saladaǵy úzdik qyzmetkerlerdi marapattady.

Sonymen, S.Nurjanov, V. Shepotko, S.Sarqytov, T.Beısembaeva, A.Bákenov, Q.Baıqojaev, B.Ámirenov, A.Joldybaev, G.Korchma, V.Novoselovtar «Qurmetti sport qyzmetkeri» tósbelgisine ıe boldy. Taǵy 16 adamǵa «Dene shynyqtyrý men sportty damytýǵa sińirgen eńbegi úshin» tósbelgisin taǵa otyryp, mınıstr tabandy eńbekteri úshin barlyq sportshylar men bapkerlerge alǵysyn aıtty.

«Sporttyń damýy tek qana sizder men bizder úshin emes, búkil el úshin mańyzdy. Eń bastysy, Qazaqstan sportta ózin moıyndatyp kele jatqan memleket. Jýyrda Malaızııada ótken Halyqaralyq olımpıada komıtetiniń otyrysynda 2022 jylǵy Olımıadaǵa úmitkerlikke Qazaqstanǵa nebary 3-4 daýys jetpeı qaldy. Biraq, osy daýys sanyndaǵy az ǵana aırymashylyqtyń ózi Qazaqstannyń sporty serpindi damyp kele jatqanyn dáleldeıdi», - dedi barlyq mınıstr.

Aıta keteıik, «Qazaqstan Respýblıkasyndaǵy kásibı jáne ózge de merekeler týraly» QR Prezıdentiniń Jarlyǵyna saı, elimizde tamyzdyń úshinshi jeksenbisi búkilhalyqtyq Sport kúni retinde toılanady.