A. Muhamedıuly mıtropolıt Aleksandrmen dinı saladaǵy yntymaqtastyq máselelerin talqylady

ASTANA. QazAqparat - Qazaqstan Respýblıkasy Mádenıet jáne sport mınıstri A. Muhamedıulynyń Qazaqstan Respýblıkasyndaǵy Orys pravoslav shirkeýiniń Mıtropolııalyq aımaǵynyń basshysy mıtropolıt Aleksandrmen kezdesýi ótti. Qazaqstandyq vedomstvonyń basshysy men mıtropolıt memlekettik-konfessıonaldyq qatynastar salasyndaǵy keń máseleler aýqymyn talqylady. Bul týraly atalǵan mınıstrliktiń baspasóz qyzmetinen habarlady.

Qazaqstan pravoslav qaýymynyń basshysymen kezdesýdi asha otyryp, mınıstr Orys pravoslav shirkeýiniń eldegi dinaralyq kelisim men birlikti saqtaý men kúsheıtý isine qosyp júrgen eleýli elesin aıtyp ótti.

«Pravoslav shirkeýi qoǵamdaǵy kelisim men beıbitshilikti kúsheıtýge, Qazaqstandaǵy memleket pen dinı birlestikter arasyndaǵy tıimdi suhbattyń damýyna zor úles qosyp jatyr. Biz sizdermen Qazaqstan halqynyń jarqyn bolashaǵy jolyndaǵy yntymaqtastyqqa árdaıym ázirmiz», - dedi Arystanbek Muhamedıuly.

Mıtropolıt Aleksandr vedomstvo basshysyna jyly sózderi men jemisti áriptestikke daıyndyǵy úshin zor alǵysyn bildirdi. Ol 3-5 maýsym aralyǵynda Astanada búkil el aımaqtarynan 350 adam qatysatyn Pasha ániniń festıvali ótetindigin habarlady. «Biz sizdi elimizdiń barlyq oblystarynyń turǵyndary jınalatyn bul ataýly sharanyń qurmetti qonaǵy bolǵanyńyzdy qalaımyz», - dep nıetin bildirdi mıtropolıt.

Sonymen qatar Pravoslav shirkeýi ókiliniń habarlaýynsha, bıyl olardyń tarapynan Qazaqstan Respýblıkasy Táýelsizdigine oraı birqatar is-sharalar ótkizý josparlanǵan.

Sondaı-aq áńgimelesýshiler memlekettik-konfessıonaldyq qatynastar salasyndaǵy suraqtardyń keń sheńberin qarastyryp, gýmanıtarlyq jáne rýhanı áriptestiktiń keıbir qorytyndylary jasady. Qazaqstan pravoslav shirkeýiniń Qazaqstan Respýblıkasynyń - egemendi jáne táýelsiz kezeńindegi Qazaqstan Pravoslav Shirkeýiniń 25 jyldyq damý jolyna baǵa berip, zamanaýı kezeńdegi Pravoslav shirkeýiniń qyzmetiniń mindetteri men damýynyń negizgi máselelerin qarastyrdy.