A.Muhamedıuly: Qazaqstan tsırkteri bir birlestikke toptastyrylady

ASTANA. QazAqparat - Qazaqstan tsırkteri bir birlestikke toptastyrylady. Bul týraly búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda QR Mádenıet jáne sport mınıstri Arystanbek Muhamedıuly aıtty.

Bizder úshin eń ózekti máseleniń biri óńirlik jáne ortalyq mádenıet ujymdaryn úılestirý bolyp otyr. Máselen, bizde 4 tsırk bar. Árqaısysy - jeke memleket. Bir-biriniń ne istep jatqanyn bilmeıdi. Búkil dúnıejúzinde tsırkter birlestikke toptasqan. Dıý soleı tsırki, Reseı tsırki bir birlestik. Ol durys», - dedi mınıstr.

Onyń atap ótýinshe, 1 óńirdegi tsırk trýppasyn jergilikti halyq 3-4 aıdyń ishinde tamashalap shyǵady. Ony kelesi óńirdiń ekinshi trýppasy kelip almastyrmasa, onda tsırkke eshkim barmaıdy.

«Bizde ár tsırk bólek bolǵannan keıin olardyń qyzmeti úılestirilmeıdi. Sondyqtan halyq az barady. Eger tsırkter bir birlestikke toptassa, odan keıin trýppalar bir qaladan ekinshi qalaǵa baryp óner kórsetetin bolsa, kórermen qatary molaıar edi»,- dedi ol.

A.Muhamedıulynyń aıtýynsha, óńirlerdegi tsırkterdiń kadr, qarjylyq máselelerine mınıstrlik aralaspaıdy. Munyń barlyǵy jergilikti atqarýshy organnyń quzyrynda bolady.