A. Meshimbaeva ekstradıtsııalaý sheshimine qarsy sotqa shaǵymdandy

ASTANA. 6 tamyz. QazAqparat - Statıstıka agenttiginiń burynǵy tóraıymy Anar Meshimbaeva ekstradıtsııalaýǵa qatysty shyǵarylǵan sheshimge qarsy sotqa shaǵym túsirdi.

Bul týraly búgin Bas prokýratýrada ótken brıfıng barysynda vedomstvonyń resmı ókili Nurdáýlet Súıindikov málim etti.

«A. Meshimbaevaǵa keletin bolsaq, maǵan belgilisi, ol ekstradıtsııa týraly sheshimge qatysty sotqa shaǵymdanǵan. Sot onyń shaǵymyn qarap bolǵan soń, ekstradııatsııalaý máselesi sheshilip qalýy múmkin. Jalpy, Qazaqstannyń Bas prokýratýrasymen Meshimbaevany ekstradıtsııalaý týraly sheshim bar, mine týra sol sheshimge ol búgingi kúni shaǵymdanyp otyr. ıAǵnı, sot (reseı soty-avt.) ekstradıtsııany rastasa, ony bizge qaıtarady», - deıdi N. Súıindikov.

Eske salsaq, A. Meshimbaeva ulttyq halyq sanaǵynda múlik satyp alýǵa bólingen bıýdjet qarjysyn jymqyrýǵa qatysy bar dep aıyptalǵan. 2009 jyldyń qarashasynda oǵan syrttaı aıyp taǵylyp, sot sanktsııasymen memleketaralyq izdeý jarııalandy. Statıstıka agenttiginiń eks-basshysy A. Meshimbaeva 6 aqpanda Qazaqstan qarjy polıtsııasynyń halyqaralyq tapsyrysy boıynsha Máskeýde ustalǵan bolatyn. QR Bas prokýratýrasy 11 aqpan 2013 jyly Reseı Bas prokýratýrasyna Meshimbaevany Qazaqstanda qylmystyq jaýapkershilikke tartý úshin ekstradıtsııalaý týraly suraý joldady.