A. Merkel Ýkraınadaǵy Eýro-2012-ge baıkot jarııalaýǵa daıyn
ASTANA. 30 sáýir. QazAqparat - Germanııa Kantsleri Angela Merkel óziniń úkimetindegi mınıstrlerge bıyl Ýkraınada ótetin fýtboldan Eýropa chempıonatyn shetqaqpaılaýdy usynbaq.
Osy arqyly A. Mekel ıÝlııa Tımoshenkoǵa qarsy jasalǵan qatań áreketterge óziniń qarsylyǵyn bildirmek, dep habarlap otyr RBK.
Budan buryn nemis baspasózi Germanııa prezıdenti Ioahım Gaýk osy sebeptermen Ýkraınaǵa saparynan bas tartqanyn jarııalaǵan edi. Sondaı-aq keıinnen Kantsler, Germanııa Ýkraınanyń eks-premerin nemistiń klınıkalarynda emdeý jaıynda kelissózder júrgizip jatqandyǵyn málimdegen kórinedi.
Búginde A. Merkeldiń sheshimin nemisterdiń kópshiligi qoldap otyr degen dereketer aıtylýda. Áleýmettik saýalnamalarǵa qaraǵanda, osy sharaǵa qatysqan nemisterdiń jartysynan astamy Germanııanyń Eýro-2012 oıyndaryna qatysýdan bas tartýy kerek degen pikirdi alǵa tartyp otyr. Al qalǵan jartysy bul oıyndy basqa elge kóshirý kerektigin aıtqan eken.
Esterińizge sala keteıik, bıylǵy fýtboldan Eýropa chempıonaty Ýkraına men Polshada 8 maýsym men 1 shilde aralyǵynda ótedi.
Aıta keteıik, jaqynda Facebook áleýmettik jelisinde ıÝ. Tımoshenkony aýrýhanaǵa jetkizý kezinde Kachanovskıı kolonııasynda ony sabaý saldarynan denesine keltirilgen zaqymdar jaıynda fotosýretter kórsetilgen bolatyn.
