A.Mamytbekov: SQO-da astyqtyń 20 paıyzy qar astynda qalýy múmkin emes nárse
«Astyqtyń 20 paıyzy qar astynda qaldy dep aıtyp jatyr, ol - múmkin emes nárse. Iá, keıbir jekelegen sharýa qojalyqtarynda qar astynda qalǵan bıdaı bar bolýy ábden múmkin. Ondaı-ondaı ár kezde de bolǵan. Eger oǵan qaraıtyn bolsaq, ondaı jaǵdaılar tehnıka jetispeýshiliginen oryn alyp jatady. Bıyl qar erte tústi, kóktemde egin egý jumystary da kesh bastalǵanyn bilesizder. Sonyń kesirinen egin jınalmaı qalǵany bar. Ol negizinen klımattyq sebepterge baılanysty», - dep atap ótti mınıstr.
Ol Feısbýkten atalmysh beınerolıkti kórgen jáne SQO jáne Taıynshy aýdany ákimimen tildesken. Alaıda olar bul sharýa qojalyǵynda eginniń tolyqtaı jınalǵanyn aıtqan.
Mınıstr tilshilerdiń osy oqıǵaǵa shynaıy baǵasyn berý úshin atalmysh sharýa qojalyǵyna arnaıy press-týr uıymdastyrýǵa daıyn ekendigin de málim etti.
A.Mamytbekov atap kórsetkenindeı, jıyn-terim ár sharýanyń óz jumysy, memleket tek oǵan qoldaý jasaı alady. Bul jerde tek sýbsıdııalardyń tıimdiligin arttyrý qajettigin ǵana aıtqan jón. Bul baǵytta mınıstrlik jumys istep jatyr.