A. Mamytbekov: Senimdi joǵaltsam, otstavkaǵa ketýge daıynmyn
Búgin aýyl sharýashylyǵy eks-vıtse-mınıstri 10 jylǵa bas bostandyǵynan aıyrylǵan bolatyn.
«Ómirııaev týraly aqparatty qalaı qabyldaǵanym jónindegi kóptegen suraqtarǵa berer jaýabym - ońaı bolǵan joq.
Men onyń kinásizdigine sendim, qazir de senemin. Ol parany bopsalaǵan joq jáne eń bastysy, qyzmettik babyn paıdalana otyryp bireýdiń múddesi úshin áreket (nemese kerisinshe áreketsizdik) jasaýy múmkin emes. Alǵashqy ınstantsııadaǵy sottyń úkimi óz kúshine engen joq, sondyqtan Konstıtýtsııaǵa sáıkes jáne zań boıynsha ol kinásiz bolyp tabylady. Ómirııaevtiń, onyń qorǵaýshylarynyń muny dáleldep shyǵýǵa múmkindikteri bar. Qorytyndy úkim shyǵarýǵa joǵary turǵan sottar bar.
Jumystan ketýge daıynmyn ba? Iá. Maǵan degen senim joǵalǵan sátte jumystan ketýge daıynmyn (aıtpaqshy, Ómirııaev qamaýǵa alynǵan sátten bastap, men eki ret otstavkada boldym - 2014 jyldyń sáýirinde mınıstrler kabınetiniń otstavkasy kezinde jáne tamyzda úkimetti ońtaılandyrý kezinde).
Bul meniń jumysymdy baǵalamaıdy degendi bildire me? Joq. Men óz jumysymdy óte baǵalaımyn. Maǵan qazirgi jumysym unaıdy. Tipti men oǵan áýespin deýge bolady. Basqalaı bolǵan jaǵdaıda mundaı aýyr júkti (birinshi kezekti moraldyq turǵydan) kóterý múmkin bolmas edi. Jaqsy nátıje de joq emes (kelisemin - bul jeke pikirim). Sheshilmegen mindetter de jeterlik", - dep jazdy A. Mamytbekov.
Esterińizge sala keteıik, M. Ómirııaev memlekettik satyp alýlar konkýrsynda kásipkerge jeńimpaz atanýǵa kómek bergeni úshin 100 myń AQSh dollary somasynda para aldy dep aıyptalǵan edi. Qarjy polıtsııasy aýyl sharýashylyǵy eks-vıtse-mınıstrin 2013 jylǵy 21 jeltoqsanda qamaýǵa alǵan bolatyn.