A. Mamytbekov otandyq aýyl sharýashylyǵy ónimderin ótkizýdegi túıtkil máselelerdi atady - Úkimet otyrysy
«Problemanyń bireýine toqtalatyn bolsaq, shıkizat tapsyrýshylar qosymsha qun salyǵyn tólemeıdi, al qaıta óńdeýshiler atalǵan tólemderdi jasaıdy. Nátıjesinde qosymsha qunǵa eseptelýi tıis salyq qaıta óńdeýshiler úshin barsha aınalymnan qamtylǵan salyq bolyp keledi»,-dedi mınıstr.
Osy oraıda ol shıkizatty satyp alýshy deldaldardy qosymsha qun salyǵyn tóleýden bosatý kerektigin nemese sala boıynsha jalpy QQS mólsherlemesin tómendetý kerektigin aıtty.
Mınıstrdiń aıtýynsha, ónimdi qajetti ydyspen nemese qaptamamen qamtamasyz etýde de problema bar. Máselen, qaıta óńdeý ónerkásibi óniminiń ózindik quny qurylymynda qamtamalyq materıaldarǵa shyǵyndar 10-30 paıyz deńgeıinde qalyptasyp otyr.
«Búginde qaptamalyq materıaldardyń ımporty burynǵysynsha joǵary bolyp otyr. Sonymen qatar atalǵan materıaldarǵa ımporttyq baǵa artyp keledi jáne bul óz kezeginde ónimniń ózindik qunyna yqpal etýde»,-dedi AShM basshysy.
Buǵan qosa A. Mamytbekov aldamshy ónimdermen kúresý, naryqty jasyryn dempıngten qorǵaý máselelerin atady.
«Búginde qoldanystaǵy dempıngke qarsy zańnama jumys istemeıdi. Dempıngke qarsy sharalar tek tekserý nátıjesi boıynsha ǵana qoldanylady. Bul turǵydaǵy úderister tym kúrdeli, uzaq ýaqytty qajet etedi, sondaı-aq memleket ekonomıkasyna keltirilgen shyǵyn anyqtalǵan jaǵdaıda ǵana qoldanylady»,-dep túıdi mınıstr.