A.Mamytbekov orynbasarynyń baıandamasyn syn tezine aldy

ASTANA. 13 qyrkúıek. QazAqparat - Búgin mal azyǵyn óndirý máselesine arnalǵan QR Aýyl sharýashylyǵy mınıstrliginiń keńeıtilgen alqa otyrysynda vedomstvo basshysy Asyljan Mamytbekov orynbasary Gúlmıra Isaevanyń baıandamasyndaǵy birqatar kemshilikti atap kórsetip, synǵa aldy.

«Qostanaı oblysynda shóp 36 paıyzǵa daıyndalǵan. Bul qate emes pe? Óıtkeni qatar ornalasqan Soltústik Qazaqstan oblysynda bul kórsetkish 106, al Aqmola oblysynda 105 paıyz», - dedi A.Mamytbekov orynbasaryna qarata.

Óz kezeginde vıtse-mınıstr atalǵan málimettiń jańsaq ekendigin aıtyp, tehnıkalyq qatelikterge jol berilgendigin moıyndady. «15-shi slaıdty ashyńyzshy. Minekeı, tuqym boıynsha, baıandamada atap ótilgen 315 myń degen san qaıda? Baıandamada 315 myń dep jazylǵan, al siz qazir ǵana 317 myń dedińiz. Anyqtańyz, Shyǵys Qazaqstan oblysy boıynsha da málimetterde qatelikter ketken sııaqty», - dedi mınıstr.

Vedomstvo basshysynyń sózine qaraǵanda, baıandamada azyqtyq daqyldar problemasyna tereń taldaý jasalmaǵan. «Osy jerde baıandamany maqtap jatyr. Alaıda ol negizinen faktilerdi atap ótý men statıstıkalardy tizip shyǵýǵa baǵyttalǵan. ıAǵnı, problemany tereń taldaý joq. Eń bastysy, ne isteý kerek, problemany qalaı sheshý qajet, ne qoldaný kerek degen jaıttar kóterilmegen», - dedi ol.