A.Mamytbekov: Qazaqstan bıyl 21,5 mln. gektar alqapqa aýyl sharýashylyǵy daqyldaryn egedi

Bul týraly búgin Úkimettiń selektorlyq rejimdegi otyrysynda QR Aýyl sharýashylyǵy mınıstri Asyljan Mamytbekov málim etti.

«Oblystyq aýyl sharýashylyǵy basqarmalarynyń derekteri boıynsha, 2012 jyly aýyl sharýashylyǵy daqyldaryn 21,5 mln. gektar alqapqa sebý josparlanǵan. Bul ótken jylǵy kórsetkishten 0,3 mln. gektarǵa nemese 1,3 paıyzǵa artyq»,  - dedi ol.

Onyń atap ótýinshe, kóktemgi egis alqaby 15,8 mln. gektardy quraıdy. Al dándi daqyldar 16,2 mln. gektar alqapta ornalastyrylatyn bolady. Sonymen qatar egistik alqabynyń 300 myń gektarǵa qysqarýy esebinen dándi-jemdik daqyldar alqabynyń ulǵaıýy kútilýde. Jemdik daqyldar alqaby 10 paıyzǵa, kókónis-baqsha daqyldary men kartop 4,4 myń gektarǵa ulǵaıady.