A. Mamytbekov: Facebook jáne Twitter áleýmettik jelilerine kelip túsken saýaldarǵa jeke ózim jaýap beremin

ASTANA. 6 naýryz. QazAqparat - Búgin Astanadaǵy «Nur Otan» HDP Ortalyq apparatynyń qoǵamdyq qabyldaý bólmesinde QR Aýyl sharýashylyǵy mınıstri Asyljan Mamytbekov azamattardy qabyldap jatyr.

«Qordalanǵan barlyq máselelerdi tyńdaýǵa daıynbyz. Bul óz kezeginde bılik pen halyq arasyndaǵy kedergilerdi tómendetýge múmkindik beredi. Sonymen qatar búgingi qoǵamdyq qabyldaýda mınıstrliktiń birqatar qyzmetkerleri osy jerde tıisti keńester berip, naqty máselelerdiń sheshimin tabýǵa kómektesedi»,-dedi mınıstr.

A. Mamytbekovtyń aıtýynsha, azamattar qoıatyn suraqtar kóbinese memlekettik qoldaý sharalary jaıynda keńinen túsinik berýge qatysty, nesıeler alý jáne nesıelik qoldaý kórsetý, aýyl sharýashylyǵy salasynda jumysqa turý, sondaı-aq saladaǵy basqa da máselelerdi qamtıdy.

«Budan bólek, Facebook jáne Twitter áleýmettik jelilerinde de kelip túsken saýaldarǵa jeke ózim jaýap beremin»,-dep túıdi vedomstvo basshysy.