A.Mamytbekov elimizde kooperatsııanyń damýyn tejeıtin negizgi kedergilerdi atady
«Mınıstrliktiń taldaýy barysynda kooperatsııanyń damýyn tejeıtin kelesi kedergilerdi anyqtady. Birinshisi, bul kommertsııalyq emes uıym túrinde qurylǵan aýyl sharýashylyǵy kooperatıvterde tabysty bólý múmkindiginiń joqtyǵy. Ekinshisi, shekten tys normatıvtik-quqyqtyq retteý. Úshinshisi, sý paıdalanýshylardyń aýyldyq tutyný kooperatıvteri jáne aýyl sharýashylyǵy seriktesteri úshin arnaýly salyq rejimi bar zańdaǵy jeńildikterdi paıdalaný múmkin emes. Tórtinshisi, kooperatıvter qyzmetiniń aıqyn emestigi, bir-birine senimsizdik, kooperatıv músheleriniń aldaý qaýpi sııaqty jaǵdaılardy týdyrýy múmkin. Besinshi, ishki rásimderdiń shekten tys rettelýi jáne altynshy sebep, bul - zańdy tulǵalardyń óndiristik kooperatıvterge qazirgi jaǵdaıda qatysýy múmkin emestigi», - dedi mınıstr. Onyń atap ótýinshe, aýyl sharýashylyǵy kooperatsııasyn damytý jáne joǵaryda atalǵan kedergilerdi joıýshy jaǵdaılar jasaý maqsatynda mınıstrlik «Aýyl sharýashylyǵy kooperatsııasy týraly» QR Zańyn jáne «Qazaqstan Respýblıkasynyń keıbir zńnamalyq aktilerine aýyl sharýashylyǵy kooperatsııasy máseleleri boıynsha ózgerister men tolyqtyrýlar engizý týraly» QR Zańynyń jobasyn ázirlegen. Sonymen qatar mınıstr óz sózinde jańa zań jobasynyń jańalyqtaryn da atap ótti. «Birinshi, bul - aýyl sharýashylyǵy kooperatıvi mártebesin kommertsııalyq emes razrıadtan kommertsııalyq razrıadqa aýystyrý. ekinshisi, bul - aýyl sharýashylyǵy kooperatıvinde paıdany bólý múmkindigi. Úshinshi, kooperatıvterdiń revızııalyq odaqtarǵa múshelikke ótý múmkindigi. Tórtinshi, kooperatıvterdiń jylsaıynǵy ishki aýdıtyn júrgizý múmkindigi. Besinshi, demokratııalyq qaǵdıdatty saqtaý, bul - bir qatysýshy, bir daýys prıntsıpiniń engizilýi. Altynshy, óz qatysýshylaryna taýarlardy, jumystar men qyzmetterdi ózindik quny boıynsha ótkizý qaǵıdatyn engizý. Jetinshi, ózara qarym-qatynasty retteýde dıspozıvti normalardy qoldanýdy shekten tys naqtylaýdy alyp tastaý», - dedi A.Mamytbekov. Osydan keıin depýtattar Zań jobasyn talqylap, ony biraýyzdan maquldady.