A.Mamytbekov bıylǵy egin oraǵy boıynsha esep beredi

ASTANA. 2 qarasha. QazAqparat - Kelesi aptada biz Úkimetke egin oraǵy boıynsha esep beremiz. Bul týraly búgin Astanadaǵy Aqmola oblysynyń jármeńkesi aıasynda jýrnalısterge suhbat bergen QR Aýyl sharýashylyǵy mınıstri Asyljan Mamytbekov málim etti.

Onyń aıtýynsha, kelesi apta seısenbi kúni ótetin Úkimet otyrysynda bıylǵy egin oraǵy máselesi qaralady. «Sol jerde biz esep berip, astyqty jınaý jumysynyń qorytyndysyn shyǵaramyz. Qazirgi kezde jınalmaı otyrǵan bıdaıdyń kólemi kóp emes. Aýa-raıy qolbaılaý bolyp otyr. Negizi, onyń barlyǵyn bir-eki kúnniń ishinde bitirýge bolady», - dep atap kórsetti A.Mamytbekov.

Aıta keteıik, osydan eki kún buryn QR Aýyl sharýashylyǵy mınıstrligi egin alqaby ónimderiniń 97 paıyzy jınalǵany týraly habarlaǵan bolatyn. Qazirgi boljamǵa sáıkes, astyqtyń jalpy kólemi 18,5-19 mln. tonnadaı bolady.