A.Mamytbekov Azyq-túlik qaýipsizdigi jónindegi Islam uıymynyń mindetterin atady
«Bizdiń elimiz Azyq-túlik qaýipsizdigi jónindegi Islam uıymynyń mindetteri retinde mynalardy usynady: Elderimizdiń tabıǵı-klımattyq jaǵdaılaryna jáne geografııalyq ornalasýyna súıene otyryp, elaralyq mamandanýdy aıqyndaý. Osy mamandanýǵa súıene otyryp, biz saýdalyq teketirester júrgizýdi toqtatýǵa, sondaı-aq halqymyzdy ekonomıkalyq turǵydan barynsha qoljetimdi azyq-túlikpen qamtamasyz etýge múmkindik alamyz», - dedi mınıstr.
Sonymen qatar A.Mamytbekov Islam Yntymaqtastyǵy Uıymyna múshe elderge azyq-túlik jetkizý shyǵyndaryn meılinshe azaıtýǵa múmkindik beretin barynsha tıimdi kólik-logıstıkalyq baǵdarlar qurý qajettigin atap ótti.
«Birlesken azyq-túlik qorlaryn qalyptastyrý jáne basqarý esebinen azyq-túlik baǵalaryn turaqtandyrý; muqtaj elderge azyq-túlik kómegin kórsetý; aýyl sharýashylyǵyn damytý jáne azyq-túlik qaýipsizdigin qamtamasyz etý úshin ıslamdyq qarjylandyrý quraldaryn paıdalaný; Islam Yntymaqtastyǵy Uıymyna múshe elder úshin biryńǵaı "Halal" standarttaryn ázirleý, sondaı-aq ulttyq standarttar boıynsha óndirilgen ónimniń balamalylyǵyn taný júıesin qurý boıynsha jumysty jandandyrý; aýyl sharýashylyǵyn damytýǵa baǵyttalǵan birlesken ǵylymı zertteýler júrgizý de uıymnyń mindetteri bolýy qajet», - dedi A.Mamytbekov.
