10:49, 06 Naýryz 2015 | GMT +5
A.Mamytbekov: Arzandatylǵan dızel otyny 81 teńgemen berilýde
ASTANA. QazAqparat - Aýyl sharýashylyq taýaryn óndirýshilerge arnalǵan arzandatylǵan janar-jaǵarmaıdyń quny óńirlerde 81 teńge dep bekitilgen. Bul týraly búgin OKQ brıfıngisinde QR Aýyl sharýashylyq mınıstri Asyljan Mamytbekov málim etti.
"Qazirgi ýaqytta aýyl sharýashylyq taýaryn óndirýshilerge arnalǵan arzandatylǵan janar-jaǵarmaıdyń quny óńirlerde 81 teńge dep bekitilgen. Bul naryqtaǵy baǵadan 18 paıyzǵa arzan, onyń baǵasy lıtrine 99 teńge ekeni málim. Byltyrǵyǵa qaraǵanda bul 30 paıyzǵa arzan. Jalpy bekitilgen janar-jaǵarmaıdyń kólemi 366 myń tonna. Ony tıisti aýyl sharýashylyq sýbektileri alyp jatyr", - dedi ol.