A. Mamın Shaıbaly hokkeıden Qazaqstan quramasy aldyna basty mindet júktedi
ASTANA. QazAqparat - Elordada ótken Qazaqstan hokkeı federatsııasy atqarýshy komıtetiniń qorytyndy otyrysynda fedartsııa prezıdenti Asqar Mamın ulttyq qurama aldyna Olımpıada joldamasyn jeńip alý mindetin júktedi.
«Bizde Norvegııada ótetin olımpıadalyq irikteý týrnıri bar. Tórt komandanyń arasynda tek bireýine ǵana 2018 jyly Koreıada ótetin olımpıadaǵa joldama beriledi. Basty mindet - osy joldamaǵa qol jetkizý. Qazir demalys maýsymy ekendigin eskerer bolsaq, ýaqyt tym az ǵana qaldy. Maýsymdy esepke almasaq ta bolady, sonda shilde men tamyz ǵana. Bul olımpıadalyq irikteý týrnırine daıyndyqtyń 1,5 aıy desek te artyq emes», - dedi A.Mamın.
Aıta keterligi, qorytyndy otyrys barysynda qazaqstandyq quramanyń Reseıde ótken álem chempıonatyndaǵy ónerine jan-jaqty taldaý jasaldy. Onyń barysynda Qazaqstan komandasy oıyn órnegindegi obektıvti, sonymen birge sýbektıvti kemshilikter ashyq aıtyldy.
