A. Mamın men D. Rogozın «Baıqońyr» keshenin damytý máselelerin talqylady

ASTANA. QazAqparat - 19 jeltoqsan kúni Máskeýde «Baıqońyr» kesheni boıynsha Qazaqstan-Reseı Úkimetaralyq komıssııasynyń teń tóraǵalary QR Premer Mınıstriniń birinshi orynbasary Asqar Mamın men RF Úkimeti tóraǵasynyń orynbasary Dmıtrıı Rogozınniń kezdesýi ótti.

Kezdesý barysynda qos taraptyń birlese jumys isteýdegi ózekti máseleleri talqylanyp, «Baıqońyr» kesheniniń damý bolashaǵy jaıly pikirler qozǵaldy.

Kezdesýde sonymen qatar, «Báıterek» jobasyn júzege asyrý, Baıqońyr qalasyn damytýdyń uzaq merzimdik baǵdarlamasy, «Baıqońyr» keshenindegi áriptestikti jalǵastyrý boıynsha shoǵyrlanǵan josparlardy iske asyrý, ǵarysh aılaǵyndaǵy ekologııalyq qaýipsizdikti qamtamasyz etý boıynsha birlesken baǵdarlamalardy qarjylandyrý, keshendegi áýejaı men áýe qozǵalysyn uıymdastyrý máseleleri qaraldy.

«Báıterek» ǵarysh zymyran kesheni jobasyn iske asyrý jumystary da búge-shigesine deıin talqylandy. Kezdesý sońynda taraptar tıisti hattamaǵa qol qoıdy.

A. Mamın ı D. Rogozın obsýdılı voprosy razvıtııa kompleksa «Baıkonýr»