Á.Mámbetov atyndaǵy memlekettik drama jáne komedııa teatry kezekti maýsymyn ashty
«Teatrymyz – jas teatrlardyń biri. Biz úsh jyldyǵymyzdy ǵana atap óttik. Mine, Táýelsizdigimizdiń 30 jyldyǵy qarsańynda teatrdyń tórtinshi maýsymyn ashyp otyrmyz. Abaıdyń 175 jyldyǵyna arnalǵan Abaı qoıylymyn QR Eńbek sińirgen qaıratkeri Nurlan Jumanııazov aǵamyz qoıdy. Bul qoıylymda biz Abaıdyń Abaı bolýyn, úlken qadamdardy qalaı jasaǵanyn, úlken oılarǵa qalaı kelgenin, bala Abaıdan úlken Abaıǵa qalaı ótkenin – ómir jolyn alǵan bolatynbyz. Ózim Abaıdyń anasy Uljandy somdadym», - dedi teatr aktrısasy Ajar Shákirjanova.
Kórermenge aqynnyń jas kúnin jetkizgen akter Bekarys Asqarbekov óz oıyn bylaısha jetkizdi.
«Jas Abaı» qoıylymynda aqynnyń jas kúnin somdadym. Bul – men úshin úlken mártebe. Ózim úshin bir jeńis dep esepteımin. Aqynnyń óleńderiniń, qara sózderiniń astarynda qandaı maǵyna jatqanyn túsiný ońaı emes. Aqynnyń jas kúnin somdaǵanyma qýanyshtymyn», - dedi Bekarys Asqarbekov.
Aıta keteıik, «Ázirbaıjan Mámbetov atyndaǵy memlekettik drama jáne komedııa teatry» Memlekettik kommýnaldyq qazynalyq kásiporny Nur-Sultan qalasy ákimdiginiń qoldaýymen 2018 jyldyń 1 qarashasynda resmı túrde ashyldy. Quramyna Nur-Sultan qalasynyń Nomad teatry, Nazar aýdar teatry kiredi.
