A.M. Best agenttiginiń reıtıngisinde «Eýrazııa» saqtandyrý kompanııasy 9-deńgeıge kóterildi
ALMATY. 6 naýryz. QazAqparat -A.M. Best halyqaralyq reıtıng agenttigi «Eýrazııa» saqtandyrý kompanııasy» AQ-nyń nesıe reıtıngisin «bbb+» deńgeıinde, qarjylyq turaqtylyq reıtıngisin «B++» deńgeıinde turaqty dep rastady.
Olar reıtıngini anyqtaýda qarjy ınstıtýtynyń kólemdik kórsetkishin («Financial Size Category») eskerdi. Bul kórsetkish bıznes kólemi men kompanııanyń qarjylyq múmkindikterinen habar beredi. Onda «Eýrazııa» SK 9 deńgeıge kóterildi. Atalǵan nesıe reıtıngisi TMD jáne Ortalyq Azııa men Soltústik Eýropadaǵy saqtandyrý kompanııalarynyń arasynda tek «Eýrazııa» saqtandyrý kompanııasyna berilip otyr.
Kompanııa Standard & Poor's halyqaralyq agenttigi tarapynan da uzaq merzimdik nesıe reıtıngi men qarjylyq turaqtylyq reıtıngi «VV» deńgeıinde turaqty jáne ulttyq kzA baǵany boıynsha naqtylaǵan Qazaqstandaǵy birden-bir jekemenshik qarjy ınstıtýty bolyp tabylady. A.M. Best sarapshylarynyń pikirinshe, táýekelderdi tıimdi basqarý, joǵary deńgeıli anderraıtıng pen saýatty túrde ártaraptandyrylǵan saqtandyrý qorjyny «Evrazııa» saqtandyrý kompanııasynyń otandyq naryqtaǵy jetekshi ustanymyn saqtap qalýyna múmkindik beredi.
