A. Lýkashenko qaıtys bolǵannan keıin óziniń bılik qurǵan ýaqytyna basqasha baǵa berilýinen qaýiptenedi
ASTANA. QazAqparat - Belarýs Respýblıkasynyń Prezıdenti Aleksandr Lýkashenko tarıhı oqıǵalardy naqty jeke adamǵa qarata beıimdep, qarastyrýǵa bolmaıtynyn málimdedi, dep jazady Ýtro.ru.
Saıasatker pedagogterdiń respýblıkalyq konkýrsy fınalısterimen tarıh jónindegi pikirisaıys kezinde osyndaı paıym jasady.
«Biz eshqashan da, eń aldymen, gýmanıtarlyq pánderdi bireýdiń yńǵaıyna qaraı baǵyttaýǵa jol bermeýimiz qajet. Bul máselege shynaıy, tıisinshe adal turǵydan kelý qajet. Eń qaýiptisi, sen ketkennen keıin barlyǵyn qaıta qaraı bastaıdy, tipti múldem syzyp tastaýy da múmkin. Bulaı bolmaýǵa tıis», - dep málimdedi ol.
A.Lýkashenko shyǵarmashyl zııaly qaýymdy ózin jáne óziniń prezıdenttik kezeńin maqtaýǵa májbúrlemeýge ýáde etti.
«Eger ıntellıgentte - sýretshide, jazýshyda óziniń kózqarasy jáne ustanymy bolsa, aıtsyn», - dedi Belarýs basshysy.
