A. Lýkashenko EUÝ stýdentterimen kezdesedi
ASTANA. 24 mamyr. QazAqparat - Erteń Lev Gýmılev atyndaǵy Eýrazııa ulttyq ýnıversıtetinde Belarýs Prezıdenti Aleksandr Lýkashenko oqytýshy-professorlar quramy jáne stýdentterimen kezdesip, jınalǵandar aldynda dáris oqıdy.
Shara aıasynda ýnıversıtet ujymy qurmetti qonaqqa oqý ornynyń Jazý tarıhy murajaıymen jáne ýnıversıtettiń ózge de kórneki oryndarymen tanystyrady, dep habarlaıdy JOO-nyń baspasóz qyzmeti.
Belarýs memlekettik delegatsııasynyń quramynda Belarýs Respýblıkasynyń Premer-mınıstriniń orynbasary Valerıı Ivanov, Belarýs Ulttyq ǵylym akademııasy Prezıdıýmy basshysy Anatolıı Rýsetskıı, Syrtqy ister mınıstri Sergeı Martynov, Qazaqstandaǵy Belarýs eliniń Tótenshe jáne ókiletti elshisi Valerıı Brylov, Belarýs ulttyq tehnıkalyq ýnıversıtetiniń rektory B.M. Hrýstalev jáne ózge de basshylary bar.
Kezdesý sońynda EUÝ rektory B.Ábdiraıym ýnıversıtettiń Ǵylymı keńesiniń sheshimimen Belarýs Prezıdenti Aleksandr Lýkashenkoǵa «Eýrazııa maqtanyshy» estelik medalin tabys etedi.
