A.Lýkashenko Belarýs Úkimetinen Reseımen valıýtamen eseptesýdi talap etti
«Sońǵy kezderi «Reseı rýbli quldyrap, biz shyǵynǵa ushyradyq, óıtkeni bizdiń eksporttyń 40%-y sonda» degen sózderdi jıi estımin, - deıdi Belarýs Prezıdenti. - Mundaı jaǵdaıda eki seriktesimiz - Reseı men Ýkraınada osyndaı máseleler týyndaǵandyqtan, amalymyz qansha? Alaıda ár máseleniń óz sheshimi bar. Bir jerde shyǵyndansaq, paıdany ózge jerden izdestirý kerek». Máselen, ózindik qundy qysqartýdan, dedi A.Lýkashenko. «Jaǵdaıymyz jaqsy bolyp turǵanda, aldaǵy ýaqytta da solaı bolady dep oılaımyz. Eńbektenýimiz kerek. Úkimette kún saıyn maǵan azyq-túlikke qatysty baıandama jasaıdy. Reseılik tutynýshylardyń rýblmen tólem jasaýy boıynsha týyndaǵan másele joq. Bir dollardyń rýblge shaqqandaǵy quny 70-ke deıin quldyrady. Biz osy baǵany kepilge saldyq. Aldyn-ala tólem boıynsha jumys isteımiz, sondyqtan osylaı bolatyny zańdy». «Máselen, biz energııa resýrstary úshin Reseıge rýblmen emes, dollarmen tóleımiz. Bul Reseı Úkimetiniń jumysyndaǵy kemshilik - burynnan olardan dollar nemese eýro valıýtasynda tólem jasaýdy talap etý kerek edi. Úkimet bul alǵa jyljyǵanyn aıtty. Bizdiń ónimdi Reseıde satyp alatyndar dollar valıýtasynda tóleıtin boldy. Eger rýblmen esep aıyrysatyn bolsa, búgingi kúnniń, sol saǵattaǵy baǵamdy nazarǵa ala otyra tóleıdi», - dep atap ótti Belarýs Prezıdenti.
