Á. Qusaıynov: Jumys berýshiler qyzmetkerlerin óndiristegi jaraqat úshin syıaqy bermeımin dep qorqytady
Bul týraly búgin Avtomobıl jáne aýyl sharýashylyǵy mashına qurylysy halyqaralyq kásipodaqtar birlestigi keńesiniń otyrysynda QR Kásipodaqtary federatsııasynyń tóraǵasy Ábilǵazy Qusaıynov málim etti.
«Sońǵy 10 jylda óndiristik jaraqat alý kórsetkishiniń tómendeýi baıqalýda. Meniń oıymsha, alaıda bul birshama «qıǵash» kórsetkish. Qazirgi kezde jaraqattaný boıynsha isterdi jasyrýdy úırenip alǵan. Bólek ujymdarda: «Eger de jaraqat bolsa, jumysshylardyń eshqaısysy syıaqy almaıdy» degen jáne basqa da osy tektes sharttar bar. Osyny jasyrýǵa tyrysady. Bundaı jaǵdaılar bar», - dedi Á. Qusaıynov.
Budan bólek, ol óndiristegi ólim-jitim turǵysyndaǵy máselesine toqtaldy.
«Sonymen qatar óndiristegi ólim-jitim joǵary. Ótken jyly bul kórsetkish 2012 jylmen salystyrǵanda 10 paıyzǵa artty. Óndiriste 301 adam ajal qushqan»,-dep túıdi tóraǵa.
