Á. Qusaıynov : Qıyndyqqa tap bolǵan kásiporyndar zańnamada kórsetilgen baptardy múltiksiz oryndaýy tıis

ASTANA. QazAqparat - Kásiporyndardaǵy jumys berýshiler, kásipodaqtar men jergilikti atqarýshy organdar arasynda úshjaqty memorandýmdar bekitýlýi tıis.

Bul týraly búgin Ortalyq kommýnıkatsııalar qyzmetindegi brıfıngte QR Kásipodaqtar federatsııasynyń tóraǵasy Ábilǵazy Qusaıynov málim etti.

«Búginde álemdik daǵdarys keıbir qıyndyqtar týdyrýda. Metaldardyń, munaıdyń baǵasy quldyrady. Keıbir shıkizattar ózindik qunynan da tómen baǵalanýda. Bul turǵyda túrli saýaldar týyndaýda. Osyǵan baılanysty eki apta buryn Úkimettiń, jumys berýshilerdiń jáne kásipodaqtardyń deńgeıinde úshjaqty komıssııanyń otyrysyn ótkizip, daǵdarys ýaqytynda kásiporyndar, kásipodaqtar jáne jergilikti atqarý organdar arasynda memorandýmdar bekitemiz dep kelistik. Atap aıtqanda, bul baǵytta oıyn erejesin naqty aıqyndaýymyz kerek, - dedi Á. Qusaıynov.

QR Kásipodaqtar federatsııasy tóraǵasynyń sózine qaraǵanda, eger de kásiporyndar óz jumysynda qıyndyqtarǵa tap bolsa, onda mindetti túrde kem degende Eńbek kodeksiniń jeti babyn múltiksiz oryndaýy tıis.