«A» korpýsynyń kandıdattaryna testileý bastaldy - Memlekettik qyzmet isteri agenttigi
ASTANA. 15 mamyr. QazAqparat - 15 jáne 27 mamyr aralyǵynda QR Memlekettik qyzmet isteri agenttiginde «A» korpýsynyń kadr rezervine alýǵa qujat tapsyrǵan kandıdattarǵa testileý ótkiziledi.
Testileý Agenttiktiń www.kyzmet.gov.kz ınternet-resýrsynda ornalastyrylatyn kestege sáıkes ótkiziletin bolady.
Birinshi kúni kandıdattar Qazaqstan Respýblıkasynyń on zańyn bilý boıynsha kompıýterlik testileýden ótedi. Shekti deńgeıdi eńserý úshin kandıdattar árbir zańda múmkin bolatyn 10 suraqtyń 7-ne durys jaýap berýi qajet.
Zańnamany bilýine testtiń shekti deńgeıin eńsergen kandıdattar jeke jáne basqarýshylyq quzyretterin (ádeptilik, kommýnıkatıvtiligi, básekege baǵdary jáne sapaǵa baǵdaryn) anyqtaý testine jiberiledi.
Ekinshi kúni kandıdattar logıkalyq verbaldy emes testten (Ravenna kestesi) jáne memlekettik tildi bilýine testten (QAZTEST) ótedi.
Testileý zaldary beınebaqylaý kameralarymen jabdyqtalyp, aqparattyq qaýipsizdikke jaýapty tulǵalar aıqyndalǵan. Testileýge qatysýshylardyń testileý ýaqytynda uıaly telefon jáne basqa da tehnıkalyq quraldardy qoldanýǵa jol berilmeıdi.
Qatysýshylar QR Memlekettik qyzmet isteri agenttigine testileý bastalǵanǵa deıin aldyn ala kelýi jáne ózinde jeke kýáligi bolýy qajet
