«A» korpýsynyń kadr rezervine irikteý barysynda Almaty qalasy men Mańǵystaý oblysynyń barlyq ákimderi synaqty sátti tapsyrdy
ASTANA. 29 mamyr. QazAqparat - «A» korpýsyna testileýde sapalyq jáne júıelik kórsetkishter mańyzdy.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «A» korpýsynyń kadr rezervine irikteýdiń birinshi satysynyń qorytyndysy týraly baıandaý kezinde QR Memlekettik qyzmet isteri agenttiginiń tóraǵasy Álıhan Báımenov málim etti.
«Osy testileýden naqty qaı qyzmetker jaqsy ótti nemes óte almaǵany týraly qazir ataı almaımyn. Sebebi, bul men úshin mańyzdy emes. Men úshin sapalyq jáne júıelik kórsetkishter mańyzdy, ıaǵnı bul agenttik aıasyndaǵy ustanym. Óz kezeginde biz taldaý jasap, ony ulttyq komıssııanyń otyrysyna usynatyn bolamyz»,-dedi agenttik basshysy.
«Mendegi bar aqparat boıynsha Almaty qalasy men Mańǵystaý oblysynyń barlyq aýdan, qala ákimderi sátti tapsyrǵan»,-dep túıdi Á. Báımenov.
