«A» korpýsyndaǵylardyń bári birdeı biliktilik talaptaryna tolyq sáıkes kele aldy ma?» - baspasózge sholý
***
«Egemen Qazaqstan» gazetiniń jazýynsha, óztken jyly memlekettik qyzmetshilerdiń jańa qurylymy qoǵamdyq ómirge qadam basyp, «A» jáne «B» korpýstary degen ataýǵa ıe boldy. Sondaı-aq, sol ótken jyldyń mamyr aıynda «A» korpýsyna úmitkerler arasynda testik tásilmen irikteý júrgizilip, atalmysh konkýrstyń ekinshi kezeńinde áńgimelesý túrindegi synaq ótkizilgeni málim. Sodan soń arada kóp ýaqyt ótpeı synaqtan súrinbegender kadr rezervine qabyldanyp, olardyń deni «A» korpýsy laýazymyna taǵaıyndaldy. Mine, memlekettik basqarý júıesinde osyndaı ózgeristerdiń jasalǵanyna da ekinshi jylǵa aýysyp barady. Osy oraıda basylym búginde olardyń alǵashqy aıaq alystary qandaı degen saýalǵa Batys Qazaqstan oblysynda jańa mindetterin atqarýǵa kirisken basqarýshylyq deńgeıdegi memlekettik qyzmetshilerdiń mysalynda jaýap izdep kórgen. Bul jaıynda «Zańdy jattap alǵanymen «A» korpýsyndaǵylardyń bári birdeı biliktilik talaptaryna tolyq sáıkes kele aldy ma?» degen maqalany qarańyzdar.
Bas basylymda «Qazaqmys» óndirisshilerdiń jalaqysyn kóteredi» degen maqala jarııalandy. Dúısenbi kúni Qazaqmys Toby bıylǵy jyldyń 1 sáýirinen bastap óndiriste jumys isteıtin qyzmetkerlerdiń eńbekaqylaryn 10 paıyzǵa ósiretindigin habarlady. 2014 jylǵy 14 aqpanda Úkimettiń keńeıtilgen otyrysyndaǵy Prezıdent Nursultan Nazarbaevtyń usynysyna oraı osyndaı sheshim qabyldanǵan.
***
«Aıqyn» gazetiniń búgingi sanynda «Darıǵa Nazarbaeva: Bul mınıstrlikti taratyp jiberse da bolady» degen maqala basyldy. «Qazaqstan Respýblıkasynyń Densaýlyq saqtaý mınıstrligi azamattardyń densaýlyǵyn qorǵaý salasynda basshylyq jasaıtyn memlekettik organ bolyp tabylady», - dedi Darıǵa Nursultanqyzy.
- «Basshylyq» degen sózge nazar aýdaryńyzdar. Densaýlyq saqtaý mınıstrligi bul salany basqarýdan boıyn aýlaq saldy. Aýrýhanalar men emhanalarmen keri baılanys ornatylmaǵan, olardyń ózekti problemalaryn bilýge mınıstrlikten jan balasy múddelilik tanytpaıdy. Kabınette typ-tynysh otyrǵan sheneýnikter neshe túrli ınnovatsııa degendi oılap taýyp, ony tómengi jaqqa jiberedi. «Bul jańalyqtardyń» odan arǵy taǵdyry ne bolǵany týraly eshkim bas qatyrmaıdy. Kez kelgen suraqqa mınıstrliktiń jaýaby daıyn. Dári-dármekpen qamtamasyz etýge «SK-Farmatsııa», jabdyqtar satyp alýǵa «KazMedTeh» AQ, qalǵan bylyq-shylyqtardyń bárine ákimshilikter jaýapty. Mundaı ıterip salma jaǵdaıda mınıstrlikti jaba salýǵa da bolady», - dedi Májilistiń áleýmettik-mádenı damý komıtetiniń tóraıymy.
Osy basylymnyń jazýynsha, Statıstıka agenttigi múgedekterdiń hal-ahýalyn sıpattaıtyn, olardyń problemasyn anyqtaýǵa múmkindik beretin jáne áleýmettik saıasattyń osy salasynda sheshimder qabyldaýǵa negiz bolatyn málimetterden turatyn áleýmettik zertteýdiń jańa túrin engizdi. Ortalyq kommýnıkatsııalar qyzmetiniń brıfıngine kelgen Statıstıka agenttiginiń tóraǵasy Álıhan Smaıylovtyń sózine qaraǵanda, múmkindigi shekteýli jandardy jumyspen qamtý jáne olar úshin qoljetimdi ınfraqurylymdar jasaý jónindegi Elbasy tapsyrmasyn oryndaý sheńberinde Agenttik 2014 jyly genderlik erekshelikti eskere otyryp, eresekter jáne balalar boıynsha jeke zertteý júrgizýdiń 2 jańa ádisin qoldanysqa engizip otyr. Osy jaıynda «Áleýmettik zertteýdiń jańa túri engiziledi» atty maqaladan oqyńyz.
***
«Túrkistan» gazetiniń sońǵy sanynda «Frantsııadaǵy qazaqtar» degen maqala kópshilik nazaryna usynylyp otyr. Frantsııada turatyn qazaqtar jáne olardyń búgingi turmys-tirshilikteri jaıynda baspasóz betterinde jáne elektrondy BAQ-ta birshama aıtylyp, jazylyp júrgenimen Frantsııa jerine qazaq balasy dál qaı kezden aıaq basyp, qalaı qonystana bastaǵany osy ýaqytqa deıin jaqsy zerttele qoımaǵan taqyryptardyń biri. 1812 jyly orys-frantsýz soǵysy bastalǵan kezde Reseı ımperııasy úshin orystarmen birge ımperııa quramyndaǵy kavkaz halyqtarynyń ókilderi, tatar, bashqurt, qalmaq sekildi orys emes ulttardan quralǵan áskerı quramada qazaqtar da Napoleonǵa qarsy soǵysqa qatysqan. «Tarıhı derekter sol kezde Qazaqstannyń ákimshilik-aýmaqtyq bir bóligi - Orynbor gýbernııasynda 40 atty ásker polkiniń qurylǵanyn aıtady. Qazaq sarbazdary Reseı úshin qandy maıdanda bastaryn báıgege tigip, orys shekarasynan Frantsııa jerine deıin baryp soǵysypty», - dep jazady basylym.
