«A» korpýsyna úmitkerlerdiń alǵashqy toby qujattaryn tapsyrdy
ASTANA. 12 sáýir. QazAqparat - 24 adam «A» korpýsyna kadrlyq rezervke turýǵa qujat tapsyrdy,
dep habarlaıdy BNews.kz Memlekettik qyzmet isteri agenttiginiń baspasóz qyzmetine silteme jasap.
«Egerde, úmitkerler biliktilik talaptaryna saı bolsa, zańnamany bilý deńgeıin, logıkalyq oı deńgeıin anyqtaýdan, basqarý quzyryn aıqyndaýdan, sondaı-aq, memlekettik til bilý deńgeıi boıynsha testileýden ótedi», - delingen aqparatta.
Máselen úmitkerlerdiń qatarynda QR QOQM jaýapty hatshysy Anatolıı Dernovoı, Densaýlyq saqtaý mınıstrliginiń jaýapty hatshysy Serikbol Mýsınov jáne Konstıtýtsııalyq sot apparatynyń basshysy Álibek Temirbekov bar.
Testileýden oń nátıje alǵan úmitkerlerge qatysty kadrlyq saıasat jónindegi Ulttyq komıssııanyń jumys organy Qazaqstan Respýblıkasy Memlekettik qyzmet isteri agenttigimen birlesip áńgimelesýge kirý ruqsaty týraly sheshim qabyldaıtyn bolady.
Áńgimelesýden ótýdiń grafıgi Kadrlyq saıasat jónindegi Ulttyq komıssııasynda úmitkerlermen Ulttyq komıssııanyń jumys organymen qurylatyn bolady.
Úmitkerlerdiń tolyq tizimi Qazaqstan Respýblıkasy Memlekettik qyzmet isteri agenttiginiń www.kyzmet.gov.kz ınternet-resýrsynda «A» korpýsyna «Qujattardy qabyldaý» aıdarynda ornalastyrylǵan. Sondaı-aq, «A» korpýsyna kadrlyq rezervke tapsyrýǵa qajetti qujattardyń tizimi de osy saıtta jarııalanǵan.
