«A» korpýsyna úmitkerlerdiń 33 paıyzy el zańnamasyn bilý boıynsha testileýden óte almady
ASTANA. 20 mamyr. QazAqparat - Keshe «A» korpýsyna úmitkerlerdiń arasynda Qazaqstan Respýblıkasynyń zańnamasyn bilýden testileý ótti.
Odan 166 kandıdattyń 113-i súrinbeı ótse, zańnamany bilýdiń shekti máninen 53 kandıdat nemese testileýge qatysýshylardyń jalpy sanynyń 32 paıyzy asa almady, dep habarlady QR Memlekettik qyzmet ister agenttiginiń baspasóz qyzmetinen.
2013 jyldyń 15-19 mamyry aralyǵynda ótken qaıta testileýdiń qorytyndysy boıynsha, 751 kandıdat «A» korpýsynyń kadr rezervinen, onyń ishinen 501 kandıtat Qazaqstan Respýblıkasynyń zańnamasyn bilý boıynsha testileýden sátti ótti. Zańnamany bilýdiń shekti máninen 250 kandıdat nemese testileýge qatysýshylardyń jalpy sanynyń 33 paıyzy ótpedi.
Budan buryn habarlanǵandaı, kandıdattar Qazaqstan Respýblıkasynyń 10 zańyn bilýden kompıýterlik testileýden ótedi. Bul rette shekti deńgeıdi eńserý úshin kandıdattar árbir zań boıynsha 10 suraqtyń jeteýine durys jaýap berýi qajet.
Zańnamany bilýden testileýden ótken kandıdattar jeke jáne basqarýshylyq mashyqtaryn (ádeptilik, kommýnıkatıvtiligi, básekege baǵdary jáne sapa baǵdaryn) anyqtaý boıynsha testileýge jiberildi. Ekinshi kúni kandıdattar logıkalyq verbaldy emes testileýden (Ravenna kestesi) jáne memlekettik tildi bilý boıynsha testileýden (QAZTEST) ótedi.
Testileý kestesi, normatıvtik-quqyqtyq aktiler tizbesi, sondaı-aq "A" korpýsynyń kadr rezervine irikteý erejesi agenttiktiń www.kyzmet.gov.kz ınternet-resýrsynda ornalastyrylǵan.
