«A» korpýsyna kandıdattardyń 32 paıyzy testileýden súrindi
ASTANA. 19 mamyr. QazAqparat - 17 mamyrda 148 kandıdattyń 100-i testileýdi tabysty tapsyrdy.
Al Qazaqstan Respýblıkasynyń zańnamasyn bilý boıynsha test suraqtarynyń shekti deńgeıinen 48 kandıdat nemese testileýge qatysýshylardyń jalpy sanynan 32 paıyzy súrindi. Testileýden ótken kandıdattar jeke jáne basqarýshylyq quzyretterin (ádeptilik, kommýnıkatıvtiligi, básekege baǵdary jáne sapaǵa baǵdaryn) anyqtaý testine jiberildi. Ekinshi kúni kandıdattar logıkalyq verbaldy emes testten (Ravenna kestesi) jáne memlekettik tildi bilýine testten (QAZTEST) ótedi.
«A» korpýsynyń kadr rezervine kandıdattardy testileý 2013 jyldyń 27 mamyryna deıin sozylady. Testileý kestesi, nomatıvtik-quqyqtyq aktiler tizbesi, sondaı-aq "A" korpýsynyń kadr rezervine irikteý erejesi Agenttiktiń www.kyzmet.gov.kz ınternet-resýrsynda ornalastyrylǵan.
Budan buryn habarlanǵandaı, kandıdattar on Qazaqstan Respýblıkasynyń zańyn bilýi boıynsha kompıýterlik testileýden ótedi. Bul rette shekti deńgeıdi eńserý úshin kandıdattar árbir zań boıynsha múmkin bolatyn 10 suraqtyń 7-ne durys jaýap berýi qajet, dep habarlaıdy Memlekettik qyzmet isteri agenttiginiń baspasóz qyzmeti.
