«A» korpýsyna kandıdattardy testileýdiń kezekti kúninde qatysýshylardyń 46 paıyzy ótpedi
ASTANA. 27 mamyr. QazAqparat - 26 mamyrda testileýdiń ótken qorytyndysy boıynsha 47 kandıdattyń 25-i Qazaqstan Respýblıkasynyń zańnamasyn bilýine testileýdi tabysty tapsyrdy. Zańnamany bilýine shekti mánnen 22 kandıdat nemese testileýge qatysýshylardyń jalpy sanynan 46 % ótpedi.
Zańnamany bilýine testileýden ótken kandıdattar jeke jáne basqarýshylyq quzyretterin (ádeptilik, kommýnıkatıvtiligi, básekege baǵdary jáne sapaǵa baǵdaryn) anyqtaý testine jiberildi. Ekinshi kúni kandıdattar logıkalyq verbaldy emes testten (Ravenna kestesi) jáne memlekettik tildi bilýine testten (QAZTEST) ótedi.
Aıta keteıik, kandıdattardy testileý 15 mamyrdan beri júrip jatyr. Jalpy «A» korpýsynyń kadr rezervine 2024 kandıdattan - olardyń arasynda memlekettik qyzmet atqaratyn da, memlekettik qyzmet atqarmaıtyn da kandıdattardan qujattar tústi.
